Published by बालकृष्ण डी. ध्यानी
बडुलि
सुबेर बिटिन बडुलि लगणी छन,
बडुलि लगणी सरील भकस्योणु च
कु खुद्योणू कु व्हलु याद कनू
वे भग्यान तें ही सुमिरणू छौं।
मांजि व्हलि समल्यौणी मैं तें
कि बुबा जी फिकर कना
व्हलि बेणी खुदेणी मेरी
कि व्हला भै बन्द याद कना।
व्हलु क्वी राजदार दग्डया
कि व्हलि स्या मायादार
जु माया नि निभै सकि
कि व्हलु क्वे बैरी सुमिरणू।
व्हलु खदरा परो दय्बता
मेरि धै पर आशीष द्योणू
कि व्हलु ड्येलि कु कुकूर
चुलड़ा परे बिरालि याद कनी।
व्हला गुठ्यरा का गोरु सुमिरणा
कि व्हलि डालि चौक मंगे
स्कूल कु बाटु व्हलु याद कनु
कि व्हलु मेरु गौं-मुलुक धै लगाणू।
जणी कु व्हलु
पर जु बि च
बडुलि लगोंणूं च
सरील झुरोंणूं च
अर बिरणा मुल्क मा
अपरों कि खुद लगोणूं च।।
सर्वाधिकार सुरक्षित
रविन्द्र रावत
ग्राम– डडोली, अगस्त्यमुनि,
रूद्रप्रयाग, उत्तराखण्ड
#uklaguli #posts #poet #रविन्द्र_रावत #रविन्द्र_रावत #worlpoetry #indian #Poetry #utter #UKLaguli #india #gharwalipoems #video #poems #Ghrwali #gharwali #instagram #Youtube #facebookpost #uttrakhand
सुबेर बिटिन बडुलि लगणी छन,
बडुलि लगणी सरील भकस्योणु च
कु खुद्योणू कु व्हलु याद कनू
वे भग्यान तें ही सुमिरणू छौं।
मांजि व्हलि समल्यौणी मैं तें
कि बुबा जी फिकर कना
व्हलि बेणी खुदेणी मेरी
कि व्हला भै बन्द याद कना।
व्हलु क्वी राजदार दग्डया
कि व्हलि स्या मायादार
जु माया नि निभै सकि
कि व्हलु क्वे बैरी सुमिरणू।
व्हलु खदरा परो दय्बता
मेरि धै पर आशीष द्योणू
कि व्हलु ड्येलि कु कुकूर
चुलड़ा परे बिरालि याद कनी।
व्हला गुठ्यरा का गोरु सुमिरणा
कि व्हलि डालि चौक मंगे
स्कूल कु बाटु व्हलु याद कनु
कि व्हलु मेरु गौं-मुलुक धै लगाणू।
जणी कु व्हलु
पर जु बि च
बडुलि लगोंणूं च
सरील झुरोंणूं च
अर बिरणा मुल्क मा
अपरों कि खुद लगोणूं च।।
सर्वाधिकार सुरक्षित
रविन्द्र रावत
ग्राम– डडोली, अगस्त्यमुनि,
रूद्रप्रयाग, उत्तराखण्ड
#uklaguli #posts #poet #रविन्द्र_रावत #रविन्द्र_रावत #worlpoetry #indian #Poetry #utter #UKLaguli #india #gharwalipoems #video #poems #Ghrwali #gharwali #instagram #Youtube #facebookpost #uttrakhand
0 Comments