कुछ लोग . Ghrwali Ghazal ,Utterakhand

 

उत्तराखंड की लगूली

Published by बालकृष्ण डी. ध्यानी  · rteosdpoSn7920tc028h2caucuit4if9t9hf3a1g7a8826gg25a1g1325055  · 

गज़ल
*****
कुछ लोग

कुछ लोग ढुंगु फरकैकि चलगीं ।
आंखिम आंसु तरकैकि चलगीं ।।

पुंगड़ा फागौं थैं भुक्की मारिक ।
खाली थकुलि सरकैकि चलगीं ।।

चीर कफन लूछिकै सांग फरैन ।
बिरणि छुरकी छरकैकि चलगीं ।।

सेर पाथा दूण को सट्वरा कैरि ।
ख्वाटा सिक्का गरकैकि चलगीं ।।

बेसारा कैरगीं सारा लगै लगैकि ।
सांसा पराण थैं टरकैकि चलगीं ।।

न भैर अंदि न भितर जंदि आंसु ।
खुदेड़ जिकुड़ि दरकैकि चलगीं ।।

चार दिन नि रै साका वो गौंमा ।
अपणि आंखि बरकैकि चलगीं ।।

ब्वै बबा लिजाणा को अयां छवा ।
बगैर बात कर्यां शरमैकि चलगीं ।।

विंटर होलीडेज को मजा ल्हेकि ।
ह्यूंद का मैनौ थैं गरमैकि चलगीं ।।

'पयाश' भि ऐना बस द्वि दिन को ।
गढ़वाळि गज़ल फरमैकि चलगीं ।।

©® पयाश पोखड़ा

#uklaguli #पौड़ी_गढ़वाल #गढ़वळिम_ग़ज़ल #पयाश #posts #poet #hindipoem #kumaoni #worlpoetry #indian #Poetry #utter #india #UKLaguli #gharwalipoems #video #poems #Ghrwali #gharwali #instagram #Youtube #facebookpost #uttrakhand 

See less

— in India.