सुदि-सुदि खामखां,Gharwali Ghazal,Utterakhand

उत्तराखंड की लगूली

Published by बालकृष्ण डी. ध्यानी  · pesStordnoac6ghg483hulga9l2clmtau0i71107huug452gmc8g42f1a61h  · 

गज़ल
*******
सुदि-सुदि खामखां

सुदि-सुदि खामखां अपणु ल्वै खिटाणा छौं ।
ये खरयां सरग मा कै खुण जि छिटाणा छौं ।।

सिनम थ्वड़ि जितेंद परधनि को चुनौ कभि ।
जख-तख सचै का बाना बौंळि बिटाणा छौं ।।

गांवा का बल्द भि बारा पास कैकि चलिगीं ।
अर तुम त अभितलक ग्वळ दैं रिटाणा छौं ।।

म्यारु तजुरबा त बस ग्वाया लगाणा को चा ।
तुम मीथैं किलै उकळि उंधरिंद हिटाणा छौ ।।

पछणै त गीं म्याळा-पाल्यू फर नौ लिखदरा ।
फूका अब जि क्या खुणै आखर मिटाणा छौं ।।

अतर हुयां यूं लाल पाणि का रौला-गदनौ मा ।
हम त लोकतंतर का ठपकौण्या भिटाणा छौं ।।

© पयाश पोखड़ा

#पौड़ी_गढ़वाल #uklaguli #पौड़ी_गढ़वाल #गढ़वळिम_ग़ज़ल #पयाश #उत्तराखंड_लगूलि #उत्तराखंड_लगूलि #posts #poet #worlpoetry #kumaoni #indian #Poetry #utter #UKLaguli #india #gharwalipoems #video #पयाश_पोखड़ा #poems #Ghrwali #gharwali #instagram #Youtube #facebookpost #uttrakhand 

See less

— in India.